Política de pedidos

1. Como facer un pedido?

Visitade a páxina www.patasdepeixe.com, e unha vez alí ides á páxina de pedidos, onde a páxina recolle as vosas peticións e nos manda un correo automáticamente.

2. Canto custa facer un pedido?

-Se o pedido é igual ou superior a 70 euros p.v.p. (uns 5 libros) Patasdepeixe asumirá os custos do envío.

-Se o pedido é inferior a 70 euros p.v.p. (uns 5 libros) a librería asumirá os custos do envío.

3. E despois que pasa?

-En cada envío incluirase un Albará de entrega.

-O primeiro día do mes seguinte ao envío, (se nos facedes o pedido o día 29 ou data semellante deixarémolo para o mes seguinte) emitirase unha factura que se fará chegar a librería en formato papel e electrónico. O cobro da factura realizarase aos 45 días da emisión da factura.

-A librería poderá devolver os títulos para o seu abono ata despois dun ano da data de factura. Nese caso, a librería enviará os libros á editora asumindo os gastos de envío e a editora aboará a cantidade correspondente por medio dun Albará de abono.

O Servizo de Novidades

Por outra banda, inauguramos un Servizo de Novidades.

As librerías poderán adscribirse ao servizo de novidades (mandándonos un correo a info@patasdepeixe.es solicitando este servizo), que consiste en que recibirán automáticamente 5 exemplares do noso novo título sen ter sequera que facer o pedido.

Un pedido do servizo de novidades terá un desconto do 40%.

Estes pedidos facturaranse o dia 1 do mes seguinte e o cobro realizarase aos 45 días da emisión da factura.

A librería poderá devolver os títulos para o seu abono en calquera momento. Nese caso, a librería enviará os libros á editora asumindo os gastos de envío e a editora aboará a cantidade correspondente por medio dun Albará de abono.